نظرا للظروف التي تتعرض بها بلدنا الحبيبة مصر وهذه الظروف الاقتصادية التي نتعرض لها هي سببها الأزمة العالمية السابقة مع العلم أن العالم كله ألان بدا في الوقوف مرة أخري بعد الأزمة إلا بلدنا الحبيبة ومش عارف السبب أية لحد ألان هل السبب إحنا إل عملنا الأزمة عادي ما هو كل حاجة ألان بترجع للمواطن الغلبان مثلي لأننا أصبحنا الشمعات للكبار الحمد لله أننا وصلنا لهذه المرحلة .
وأنا مواطن غلبان نفسي آكل لحمة زى أي واحد من الكبار بس المشكلة أن اللحمة وصلت أسعارها إلي أرقام خرافية للكيلو طب والمواطن الغلبان إل زى أنا يعمل أية طبعا ربنا يخلنا الريس الأب الحنون بس يا ريس مش عارف سيادتك عارف ولا لا يا ريس حضرتك نظرا لمعناه الشعب أصدرت قرار ببيع اللحوم بأسعار مخفضة للكيلو بسعر 35 جنية وطبعا مالوا يا ريس أنت الأب لينا وعارف مصلحتنا فقلت نجيب كيلو للعيال علشان يعيدوا بس يا ريس أنا رحت إلي احدي المجمعات أل صرحت بيها يا ريس بان يباع الكيلو فيها اللحوم ب 35 جنية بس للأسف الشديد جدا وجدت رجال وسيدات يركبون سيارات فارهة يقومون بشراء اللحوم من هذه الأكشاك ومالوا قلت أنهم غلابة بردوا بس للأسف بيتفقوا مع البائع بأنه يجيب ليهم لحمة كويسة وحلوة والمواطن الغلبان إل مثلي يأكل الدهن والشغت يا ريس هل وصل بينا الموضوع إل هذا الحد هل أصبح المواطن الغلبان يهان إلي هذه الدرجة وإذا كنت يا ريس صرحت لينا ببيع اللحمة بأسعار مخفضة يا ريس طب الناس إل راكبين سيارات فارهة يشترون من هذه اللحوم ليه ؟ هل هو نوع من الاستخسار ولا الكحة في أيد اليتيم عجبه مش عارف والله مين السبب في هذه الظاهرة فإذا كنت يا صاحب السيارة الفارهة أو يا صاحبة السيارة الفارهة تريدون شراء اللحوم من هذه الأماكن فالمساواة حلوة والله ياريت تكون بينا مش انتم تختاروا أل عاو زينوا والغلبان إل مثلي ياخد أي حاجة ياريت يكون عندنا أخلاق لان انعدام الأخلاق مش عارف هيودينا إلي فين وكنت أتمني أن يتدخل الريس لحل هذه الظاهرة وأنا اعتذر في هذه المقالة أني كتبتها باللغة العامية بس كان لازم اكتبها كده لأني بالفعل شفت الظاهرة دية أمام عيني وسألت نفسي سؤال ليه الغني بيعمل كده ياريت يسيب المواطن الغلبان في حالة وال قادر يشتري لحمة من عند الجزار ياريت يسيب المواطن الغلبان يشتري لنفسه اللحمة من الأكشاك المخصصة .
وكل عام وانتم بخير وعيد أضحي عليكم سعيد .
بقلم
اشرف طلبه
المحامي
